| PITANJE | PENZIONERSKI TIM |
| Merti znate kam bežiju puti, megleni i h suncu, ravni i zvinuti? I zake sikut su nuova križajnja, a potok odnaša zviranjek bez kraja? Se othaja, a nemrem znati, se nestaje, a nemrem ostati, pridobiti pute da staneju, zviranjke natirati nazaj da tečeju, nuove mladice zroditi a se vode i puti zbog njih verneju dima. Nada Jačmenica Prva nagrada „Kaj-Kustošija 2018“ JAPEKOVA ROBAČA SPLETENA OD ZVEZD jezero verzušov trefilo je moje zbantuvane serce pospane kermežlive oči lukaju se na japekovu robaču spletenu od zvezd prikurtani cajti trapiju vidike duše preteklost apšisa drobnu sencu živlenja japekovi konjeki v mrklini napajaju se z pojila zaprežna kola ftapaju se vu cukorastu mesečinu šepet preteklosti razgrče mi pot čez meglu leska se same japekova robača spletena od zvezd | Nakon tulko dugih leta poštenog i dobrog dela z rešenjem vu desnoj ruki (pardon, to rešenje ni za mlade), našli smo se jenog dneva z one strane barikade. Ne zvoni nam više vura, v našoj hiži je tišina, nema žurbe rano z jutra, nikaj nebu nam pobeglo če ne stigneme kaj denes lepo nas počeka zutra. Sakog prvog vu mesecu penzija nam točno stiže, dal je dosti za živeti to nitko ne pita više, kak lastika se razvlači kaj bi prvi bil čim bliže. Cene skaču kakti lopta po zakonu ili lažno, dal pedeset il sto posto ni to više nije važno, Tu spameten nemreš biti zato vu Kaufland nemoj iti. Život nas je ipak nafčil, da se navek treba snajti, živeti tak kak se more, vre buju došli bolši cajti, kaj bi denes morti šteli zutra budu vnuki meli. Popevajmo ve od srca to nas barem ništ ne košta, prijatele drži skupa, to je naša glavna pošta, lakše nam bu onda sima, poruka je od našeg Penzionerskog tima! |
| Goran Gatalica | Ružica Juras |
| Prva nagrada „Kaj-Kustošija 2018“ | treća nagrada „KAJ-Kustošija 2018“ |
Najnoviji komentari